الاثنين، 3 سبتمبر، 2012

التحرش اللى مش جنسي

ناس كتير اتكلموا على موضوع التحرش الجنسي واتعمل افلام تناقش موضوع التحرش الجنسي , وناس كتير حاولت انها توصل لحل فى اسباب التحرش ومنها نقدر نوصل لطرق او اساليب حل التحرش . وحاول علماء نفسيين تفسير الحاله اللى بتوصل اى شخص انه يقبل على موضوع التحرش . 
التحرش ليه موضوعات و اشكال كتير منها ...
تحرش بالكلام 
تحرش بالنظر
تحرش بالمس
تحرش الكترونى 
وووووو كتير اوى من اشكال التحرش 
انا شخصياً بشوف ان التحرش فى مصر يختلف عن التحرش فى اى دوله فى العالم لان الشعب المصرى ليه ثقافه خاصه . والشعب المصرى فى الفتره اللى فاتت اتغير عنده شويه حاجات ساعدت فى زياده موضوع التحرش فى مصر منها مثلا اننا حصل عندنا انفتاح فى موضوع قنوات الدش بمعنى ان المصريين  بمساعدة صفوت الشريف عمل مشروع قومى فى مصر  اسمه ( دش لكل بيت ) وربنا يخلى الرسيفر الصينى . وظهر ما يسمى بال (كارينه
المهم ان المصريين الذكور منهم والاناث فتحت عينهم على حاجات كانوا محرومين منها وفى نفس الوقت عمليه اشباع الرغبه تقريباً منعدم . 
المهم البنات فى الفتره اللى فاتت حاولو انهم يبررو انهم المظلومين وان الولد بمختلف سنهم هما السبب الاوحد .. جميل الكلام بس ممكن نفكر بشكل مختلف شويه بعيد عن ميولنا الذكوريه والانوثيه 
بالنسبه للبنات 
البنات بيطلوبوا  بالحريات فى اللبس  وفى التصرفات والافعال .
طيب لو قولنا ماشى ده فعلاً حق البنات انها تلبس اللبس اللى هيا عايزه  وتتصرف التصرفات والافعال اللى هي عايزها .. ده حقهم طبعاً 
طيب عندى سؤال للبنات فى المقابل ممكن تقبلوا ان الولد يلبس اللبس اللى يريحه بمعنى ان الولد لو حب انه يمشي بلبس يستفز البنات عادى مش هتقول البنات ان لابس الولد بيجرح نظرنا
كلنا عارفين ان لكل فعل رد فعل ولكل تصرف نتيجه 
ازاى حد محروم من حاجه لما تبقى الحاجه اللى محروم منها قدامه يبعد عنها او يقنع نفسه انه مش محتاجها .. 
من المستحيل  ان حد محروم يبقى قنوع قصاد الحاجه اللى اتحرم منها 
ممكن بنت تقولى ايه اللى يجبرها انها تتفاعل مع ولد بتحبه فى الشارع  
وازاى تطلب من الناس انهم ميتخلوش فى حدود حرياتها . ايه اللى يمنع حد لما يشوف وحده فى مكان عام بتحضن ولد  انه يفكر انه يحضنها  ايه اللى يمنع ولد لما يشوف بنت وولد فى البحر بيتعاملوا عادى زاى المتجوزين انه يبص بعينه او اه يرخم بكلام ! لمزيد من المشاهده انظر 
معظم الحدائق العامه
معظم شواطى مصر المجانيه والى بفلوس 
الجامعات المصريه الخاصه والعامه ... الخ 
تصرفات البنات حريه ليها بس فى حدود الثقافه المصريه واى تصرف هيخرج من الحدود ديه هتكون النتيجه ليه التحرش 
عندى سؤال هزلى هو كان فيه تحرش فى 1800  ؟؟؟
ده كان التحرش اللى مش جنسي 
المره اللى جايه هتكلم على التحرش الجنسي 

السبت، 11 أغسطس، 2012

انا عمرى ما فكرت  فى يوم انى اكتب عن مشكله تخص دوله  لا وايه كمان اتكلم فى الطرق المتاحه لحل المشكله ديه من وجهه نظر مواطن عادى مش علشان انا مش متخصص ... لان الشعب المصرى والدوله المصريه فى نفس ذات الوقت مش بيهمها التخصص .

سمحونى بقى يا مصريين انا قرارت انى اقول واتكلم كمصرى بيقتى فى كل حاجه .
وبعيد عن الفتى انا مؤمن جداً بان الشخص اللى فى المستوى المايكرو يختلف عن الشخص اللى فى المستوى الماكرو وطبعا مش محتاج افسر ايه الفرق بين المستوى الماكرو والمستوى المايكرو لاننا  كشعب مصرى مش بتفرق معنا كتير التعريفات  لدرجه اننا بنقول سيناء زاى سونا رغم انها بتفرق كتير .
وبعيداً عن دوشه فى حاجات فاضيه وتعريفات مش بتهم  اغلبيه الشعب المصرى  انا فكرت كتير كتير فى كلام السيد رئيس الوزراء الجديد الاستاذ هشام قنديل  بخصوص موضوع ترشيد الكهرباء  . 
وانا كواحد من الشعب المصرى  معندوش تكييف زاى زاى حوالى 80 %  من الشعب المصرى او اكتير وده طبعاً حسب تقرير دماغيه  وملهاش ايه علاقه بتقارير التعبئه والاحصاء اللى محدش بيشوفها  المهم انا والباقيه من الشعب الغلبان اللى ربنا لسه مكرموش  واشترى تكييف معندناش اسلحه فى مواجهه الحر الشنيع  الا اننا نركب مروحه والحمد لله  بما اننا عائله متوسطه عندنا 3 مرواح سقف وواحده استاند لزوم الفشخره  وعلى فكره هى ماركه توشيبا (بعملها دعايا انا حر يعنى جت عليا ) ..
المهم اننا رغم الفشخره  اللى  احنا فيها الا اننا بنعانى من  الظاهره المعروفه طبياً باسم الانفلونزا  .لان كل شويه نغرق هدومنا مياه ونقعد تحت المروحه وفى الشتاء طبيعى اننا نعيا بالانفلونزا ..
وديه كمشكله  مش مشكله دوله لان الدوله مقلتليش اسحمى بهدومى .. المهم يا سياده  رئيس الوزراء انا جتنى فكره لترشيد الكهرباء  اللى هى اساساً مترشده فى بيتنا بما اننا معندناش تكييف وبنقعض فى اوضه واحده .. بس قبل ما انسي احب اقول لمعاليك اننا فى بيتنا متنهى الصغر اللى ميكمليش 90متر  بالعافيه يعنى وكمان كده سرقين من الشقه اللى جنبينا حته  بالرغم اننا معندناش تكييف وكل لمب البيت موفره الا اننا متوسط الفاتوره بتاعت الكهرباء 40 جنيه شهريا مع انى مش عارف ليه ؟؟؟ 
المهم انا لقيت الحل للمساعده فى  ترشيد الكهرباء وفى نفس الوقت نستخدم امكانيات الدوله الرهيبه .
الحل  هو :- 
قرارت انى اخد ابويا وامى باقيه العائله  ونرشد كهرباء بيتنا المترشده طبيعياً .. وقرارنا اننا ننزل كل يوم من البيت  ونقفله ونقعد فى محطات المترو الانفاق  الحمد لله ربنا موسعها علينا وعندنا 3 خطوت  . محطات المترو بتوفر للمصريين المحرومين امثالى  امكانيه التمتع بالكييف وفى نفس الوقت ترشيد الكهرباء لا وكمان ايه تكييف مركزى .

وكمان علشان مش نحس باى ملل قررنا اننا نقعد كل يوم فى محطه شكل يعنى يوم فى الشهداء ويوم فى الاوبرا ويوم فى عبدو باشا 
ويوم فى العباسيه .
وكمان لو حبينا ناخد اللاب توب معانا نبقى نشحنه فى اى مسجد علشان برضو نرشد الكهرباء 
ااما فى ما يخص طلب السيد رئيس الوزراء هشام قنديل المصريين بارتداء الملابس القطنيه احب اقول لسيادته 

ديه بقى صعبه عليا .. انا عندى حاسسيه من الملابس القطنيه يعنى سمحنى بقى  فى ترشيد الملابس اللى مش قطنيه 

..................

ده كان حل من واحى خيالى  .. 

الأحد، 5 أغسطس، 2012

بنحب نغلط

هو احنا ليه بندمن الغلط . وليه مبنعرتفش انه غلط . كل واحد فينا بيقول انه صح مع انه من جواه عارف انه غلط . بس احنا بنحب نكمل فى الغلط . مش حب فى الغلط بس علشان احنا بنكره اننا نقول كنا غلط . وبنشوف ان اللى بيغلط ده انسان ناقص فى واسط ناس كامله . بس الحقيقه ان مفيش حد بيتعلم من غير غلط . والاعتراف بالغلط هو بدايه تصحيح الغلط وايه المشكله لما اغلط واقول انى غلط . وتلاقى ناس بتعمل الغلط وتدافع عن الغلط كانه هو الصح ومش عارفين ان دفاعى عن الغلط اكبر غلط . تلاقى الناس بترمى الزباله فى الشارع وده غلط وتقول الدوله هى السبب . تلاقى ناس بترك فى عربيات السيدات فى المترو وده غلط ويقولك ما الستات بتركب معانا عربيات الرجاله . تلاقى ناس بترمى مياه فى الشارع علشان الطراوه ودع غلط ويقولك يعنى نموت من الحر وهو عارف ان فى ناس مش لاقيه المياه اللى بيرمها على الاسفلت . تلاقى الناس بتبيع فى اى حته جوه المترو بره المترو المهم يوقفوا فى اى حته وده غلط . ويقولك نعمل ايه بناكل عيش مش احسن ما نسرق . كتير كتير كتير هتلاقى الغلط بيتفسر على انه مش غلط .. علشان نبقى بنى ادمين لازم نتعالج من ادمان الغلط 

احنا ليه

احنا ليه على طول بنحب الحاجه الصعبه  . ونزعل لما نفشل فيها
احنا ليه بنمشى فى الطريق الظلمه . وطريق النور بيكون جنبينا
احنا ليه بنحب نعذب                    . اغالى الناس حولينا 
احنا ليه مبنفتكرش غير                       . اللى بيبكينا
احنا ليه احلمنا كلها                     . بعيده عن الامانى
احنا ليه